yako ’akoey ka kapa’onhaelan, lasiya ray kanman kin’i’iyaeh kakwa:i’an ka kinSiyae’an, ma’ ma’an a ’oyaeh ’ima kayzaeh ka kaklohloehayan kaktatoroe’an.
maya’ mininSa’la’ a tomal ma’an pinSekla’an kapa’onhaelan, siya hayza’ ’ima ’elngihan o ’ima ’inaro’ ka bekeS, kinmae’iyaehan konkononan o bolalasan, hayza’ ’oyaeh ’ima kayzaeh ka hin’az’azem. yami rengreng kinSiyae’ ’am ’a’iyalatar, ma’onhael kiSka:at, homawan ma’ ma’onhael makakSiyae’, sa’sa’ih ka hahila: kayzaeh ka hina’azem.
maya’ hingha’ ki yakin minowa’ homoba:ang, kiSka:at, ’ae’ae:aew. ’ana rima’ ray ka tortoroe’an latar, minaSa:eng ma’ miniyararoSa’, yami nakhara la:ong ’okik rasiwazay, naw komoSa’ ray kin’i’iyaeh So: ’oka’ hi maya’, ’am ’aewhay ka hin’az’azem.
’ima kinkayzaehan ’okik honaehnge:, la maya’ ’aehae’ taew’an ’am bowaw ila ray kam ra:waS taypae’, yami ’omahowiS a tomal ka hin’az’azem, yako ki kapa’onhaelan paskayzaeh ’aehae’ ka’alo’an kina:at, Siwa’ ani siya pakaykayzaeh, pak’alikaeh Sekla’ ka ’ima SaSo’ kakrowaSekan, ’izi’ sa’sa’ih ka hahila: maraS ka ’ima’ ’aewhay ka hin’azem, ma’ kinSiwa’an So: hayza’ ’aehae’ hahila:, ’ita’ ’am sa:sasbong raroton naehan, tak’ a’iyalatar saeboeh naehan.
我有很多好朋友，她們是我快樂的來源，也是學習的對象。
maya’是我第一個好友，她有烏黑長髮及圓圓的臉，還有顆善良的心。我們常一起聊天、唸書，也一起玩耍，每天都很快樂。
maya’和我一樣喜歡畫畫、看書、跑步。戶外教學時也坐一起，我們像影子般不分離。如果少了maya’的話，總令我感到怪怪的。
可是maya’要搬去遙遠的台北了，我們非常傷心，我們做了一張卡片祝福她平安，能很快適應新環境，不要每天帶著不開心，也更期望有朝一日，我們能再相遇聚首、一起聊天。
