105 年全國語文競賽原住民族語朗讀【賽夏語】 高中學生組 編號 4 號
kawaS

kawaS hes’ezan, ropa:en ’ima homayap ’ima bolalasan homom, kita’en nak hinoba:angan, mak’aehae’ ma’ hayza’ kamahomayap ka papama’an maray kawaS, ’inay kiko: kas’oehaez ka kasbol nakhara ’am homoba:ang ka pinayziza’an ra:an, kin kayzaeh kita’en!

So: kawaS kinSiyae’, ma’ pakas’oehaez ka hahila: paktilka:an ka ’oemaeh, mahiyo’ ka ra:an, kayzaeh mita’ mae’iyaeh So: hayza’ ka pinamowa’an ’am matawaw ma’ ’okik ’aybolani, mak’aehae’ ma’ ’aewhay mina, hahila: So: tomayhobaz ’am Siyae’, siblaehan ka hinila: a tomal, rikrika: o tiS’a’i’, mae’iyaeh ma’ mal’oehaez ila kapabebe:an ki homaewaeh noka zingki’ pak’iya’zaw ka basang, ’inay zingki’ ’i:zo’ ’ima kas’oehaez kasbol mina pa’aewhay ka ’oemaeh ki kin’i’iyaehan.

kawaS So: kinSiyae’ porawSi’, ’inoral ma’ maybalbalay ’am poralom ka pinamowa’an, bine:ay karae’oe:on no saboeh ralom ma’ lal’oz, So: kawaS pakbi’i:in a tomal mina ’okay pakarowa’ ka kin’i’iyaehan mita’, ’a’oral ’inay kawaS naka sinae:aeh ka ralom, ray ’oemaeh ’ana kano’ ma’ pa’aewhayen, ba:la’ mowa:i’ ka sasibo:, ’oemaeh minminhae:ar Somopoti’ ila ka ra:an, tinaew’an sinakeban nak sem’el ka ’ae’az homayap ila, kaehoy a panga’ noka ba:i’ palpotptoeh o ma’ hayza’ ’oyaeh pakalbelen, ’ita’ mae’iyaeh kin’i’iyaeh ma’ ’aybolen a tomal, boeloe’ ka hahila:.

’ita’ mae’iyaeh pakra:am Sobaeh ’izi’ patin’ohay ka kawaS, ’izi’ tongtongay, ’izi’ hayza’ ka pa’oe’oe’an ki siya. kawaS ra:am noka mae’iyaeh ka kinhopay, ma’ ra:am noka hahila: ka kinhopay, So: hae:wan ila ma’ tomrong ka hahila: ki mae’iyaeh Sa’ Sangay naehan, pawa:i’ ka ’ilaS ki bintoe’an miyalawa’ ka ’oemaeh.

kawaS malaehang mita’ mae’iyaeh ka kin’i’iyaeh, ma’ min’ae:aew no ’oemaeh, ray koko:ol ’ana kano’ kaehoy pinamowa’an ma’ pabasezen, ’ita’ mae’iyaeh ma’alo’ noka kawaS ka hin’alo’an ’inimita’, pakaykayzaeh ’i’iyaeh ray hini ’oemaeh, tatilhaehael kalahang ka ’oemaeh.

105 年全國語文競賽原住民族語朗讀【賽夏語】 高中學生組 編號 4 號
天空

湛藍的天空,增添飛舞的白色雲朵,看起來像一幅畫,有時候飛機從天上飛過,從機尾噴出的煙霧彷彿畫著它經過的路徑,好美呀!

天空心情好,會讓太陽出現而使大地明亮,照亮路途,而使我們人類在種植耕作上有所阻礙,有時候也會使壞,太陽如果興奮過頭,面紅耳赤地照射,燒燙又炙熱,人們便拿出風扇開冷氣讓身體冷卻,冷氣所排出的廢氣破壞了環境與生態。

天空如果因高興喜極而泣,雨水會緩緩澆灌著所種作物,賜予人們的飲用水也將足夠,如果讓天空非常氣憤而不疼惜諒解我們的日常生活,雨水像似從天上高處傾倒下來的水一般,大地所有的被破壞殆盡,河川洪水氾濫,大地四處崩塌阻斷去路,建物屋頂像似長了翅膀飛了起來,樹木枝頭寸寸折斷且被推倒於地,人們生活生計極度受到干擾。我們人類必須懂得憐惜安撫天空,不能挑戰它,不要存有與它爭吵對抗之心。 

天空知道人類的辛勞,也了解太陽的辛苦,到了晚上便使喚人們與太陽稍事休息,喚出月亮和星星守護大地。

天空無時無刻守護著地球所有一切,我們更要懂得珍惜天空所給予我們所有,這樣互相。

 

 

文章資訊

族語標題kawaS
漢語標題天空
文章編號4
文章年度105
文章組別高中
文章語別賽夏語
最後更新2017-10-25 13:16:23
平均評等尚未評等
我的評等尚未評等