105 年全國語文競賽原住民族語朗讀【賽夏語】 國中學生組 編號 3 號
ma’an kinSiwa’an

’aring ’ima ’oel’oelae’an ya:o hayza’ ka kinSiwa’an hinaz’azem, ya:o minowa’ rima’ ray latar komita’ ka ’ima hes’ezan kawaS ki ’ima bolalasan ka homom, rima’ manmanra:an ki kapa’ohaelan  rima’ ray pinatiyayan somoloeh ka ’ayam ka ’ayam ki ’aewpir, hini kin haeba:an korkoring minowa’ ka’inakhini’an howaw. powa’aw! ma’an kinSarara’an nanaw.

ya:o ’am Somowaw ka kinSiwa’an ma’an, mayhael ya:o ’am rima’ ray ’ima ’okik hingha’ ka ’oem’oemaehan manmanra:an, komita’ ka ’ima ’okik hingha’ ka kin’i’iyaehan ki kaspengan.

ya:o makakreng ’am kiSka:at, ’ana ray minaSangay ma’ ’okay honasamez ’am kiSka:at, rima’ tatoroe’ noka ’amilika’ kapayaka:i’ ki ka’alnoripon kapayaka:i’, ya:o paka:i’ So: ’akoey ka kiniSka:at ma’ ’am Sekla’ ’akoey ka kinra:aman, ’aehae’ ’aehae’ hahila: Sahpi:ih ila, ma’an kin’i’iyaeh, hebengen ila noka kina:at, ’ana nak’isaza ma’an ma’ hayza’ ila ka kinSarara’an ka hin’azem.

yako Sarara’ ’ima haeba:an kapa’onhaelan, nasiya Sinarak ka ’ae’ay kin hil’awan, minaSangay rima’ manmanra:an, komita’ ka ’inalingo’, ’a’iyalatar hahikhikhik mam makakSiyae’. ya:o ma’az’azem , ma’an Sinarak ka ’ae’ay ’ampowa’ kin Sil’i:? ya:o ’am Somowaw ka kano’? ’ampowa’ kin hopay ka hinaz’azem? kinSiwa’an ki Sapang kin’i’iyaeh sa’owaz ’okik hingha’ a tomal.

ya:o ’ima hihimi’an mam ma’az’azem, ’okik ra:ami ray hikor bazae’en kamatortoroe’ ’omoe’oe: ka raro:o’ ma’an “ ’away! So’o ’ampowa’ ngangorayan? ”

kamatortoroe’ ra:am ma’an ka hinaz’azem, siya mayaka:i’ ’iyakin Sa’, makakreng kiSka:at ma’ kayzaeh! pakra:am ’ae’apel nonak ka kin’i’iyaehan, ’izi’ pawhi:il nanaw ka kina:at, ra:am kiSka:at ma’ pakra:am ’oyaeh makakSiyae’, kiSka:at pakhil’awan ka hin’az’azem, So: ’ima honasamez ’am kiSka:at ma’ Sa’ila Sowaw ’in nonak a kinminowa’an ka howaw, ’oka’ ma’ ray taew’an tatilhaehael ka kapatawawen, nakhini kayzaeh ’okik Sil’i: ka hinaz’azem, ray ta’oeloeh ma’ ’am rompa: ’akoey ka kinSekla’an, Somowaw ka kinSiwa’an pakhayza’ nonak kapanra:anan, ’izi’ nak ’ima lo’aw’aw Siri’, nakhiza mina ’am ’omaS’aSay ka ’in nonak a wa’is.

105 年全國語文競賽原住民族語朗讀【賽夏語】 國中學生組 編號 3 號
我的夢想

自小我有著夢想的思緒,我喜歡到戶外看那藍藍的天和白白的雲,到處走走,和同伴們到田間裡烤肉烤番薯,這是許多孩子們夢想的事情。沒辦法!是我唯一的興致。

我要追求我的夢想,未來我要到不同的風土景觀遊覽,領受不一樣的生活和風俗習慣。

我認真地讀書,即使在休假時也不停止的求知求學,去學習美國日本的語言,我深信一旦有更多的學習必會得到更多的知識,一天一天過去,我的生活起居,完全被埋在書堆裡,我終於有了夢想。我羨慕很多的同學,他們總是踩著輕鬆的步履,休假時到處溜噠,看電影,聚聊而相互調笑著。自我思考著我的步伐為何如此沉重?我在追求什麼?為何有疲累的感覺?莫非夢想和現實生活是完全兩個世界。

我靜靜地在思索著,老師在背後突如其來地叫了我的名字「’away!妳為何傻愣愣地?

老師知道我的想法,她告訴我說,認真讀書是對的!要懂得如何分配自己的生活,不要一味地選擇書本,會讀書也要懂得與人相互娛樂,求學就要放開所思,倘在求學空閒中也要尋求自己所期望之事,要不然也可在家幫忙家務,這樣就不會有沉重的思緒,腦海裡也會增加許多常識,追求夢想要有自己選擇的途徑,別像迷途羔羊,徒然浪費自己的力氣了。

文章資訊

族語標題ma’an kinSiwa’an
漢語標題我的夢想
文章編號3
文章年度105
文章組別國中
文章語別賽夏語
最後更新2017-10-25 15:23:20
平均評等尚未評等
我的評等尚未評等